Tiñamos pendente unha visita ao museo do humor de Fene; este espazo contén obras de grandes humoristas gráficos galegos e de todo o mundo; as obras que aquí están son orixinais de varios artistas: desde os clásicos como Xaquín Marín, Siro, Reimundo Patiño, Quesada ou Forxán, aos actuais como Luís Davila, Pinto&Chinto, Andrés Meixide, Kiko Dasilva, Leandro Barea ou Miguelanxo Prado.
Ademais, o Museo do Humor de Fene conta cun recuncho reservado á caricatura e con dúas salas temáticas dedicadas, por unha banda, ao humor negro e, por outro, á banda deseñada.
