Levamos moitos meses pelexando por este inimigo común, pero non é o único; o medio ambiente tivo un respiro ao parar toda a industria durante estes meses, pero evidentemente, a máquina volve rodar, polo que as emisións suben a pasos axigantados.
Hoxe, día do medio ambiente, recordamos o proxecto de educación ambiental que iniciamos fai xa dous anos; botamos a vista atrás e analizamos todos os pasos dados dentro de DomusVi Ferrol neste área, e asumimos o compromiso de seguir traballando para concienciar ao noso entorno sobre a importancia de coidar o medio.
Recuperamos esa marabillosa exposición denominada «Unha verdade incómoda» composta por fotos de Jorge Meis e José Pardo, sobre o impacto dos seres humanos no medio; a través dela traballamos as opinións dos maiores sobre as emisións de gases de efecto invernadoiro, sobre o consumo compulsivo de bens, sobre o consumo de enerxía e auga,etc e as súas propostas de mellora.
Encantanos o noso Mundo, e queremos coidalo!
Feliz día do Medio Ambiente.
