As medidas que están en vigor actualmente, a día 31 de maio do 2021 nas residencias, son as seguintes:
- VISITAS
Permitiranse 3 visitas semanais a cada persoa residente, dunha duración máxima dunha hora cada unha, as cales se establecerán con cita previa, realizarase de forma individual e poderán facelo calquera membro da familia ou persoa achegada á persoa residente.
Permitirase o contacto físico entre a persoa residente e a persoa visitante, sempre coa mascarilla posta e cunha posterior desinfección nas superficies de contacto.
- SAÍDAS
- Concello en risco extremo ou alto: 3 saídas semanais (máximo 4 horas cada saída)
- Concello en risco medio e medio-baixo: 7 saídas semanais (máximo 4 horas cada saída)
- PERMISOS DOMICILIARIOS
Permitiranse as saídas das persoas residentes a pasar uns días ao seu domicilio, sempre e cando se cumpran as seguintes condicións: a saída ten que ser como mínimo de 5 días; o concello do seu domicilio non pode estar en nivel de risco extremo; á volta deberá realizar unha proba e antíxenos que se realizará na residencia.
O único cambio con respecto ás medidas anteriores son as saídas en concellos de risco medio e medio-baixo, que pasan de ser 5 a ser 7, é dicir, poden sair todos os días da semana.
O concello de Cangas atópase agora mesmo en nivel medio-baixo, co cal, permítense 7 saídas das persoas residentes á semana. No caso de que o concello pasara a nivel alto ou extremo, as saídas veríanse reducidas a 3 á semana.
Un saúdo dende a residencia DomusVi Cangas.
