O contacto físico é tan importante coma respirar, e isto por que? Pois ten unha resposta moi sinxela, e é porque ten uns beneficios enormes para calquera persoa. Somos un ser vivo que necesita contacto para o seu benestar, e os beneficios que nos aporta son os seguintes:
- Aumenta a segregación de oxitocina, unha hormona que xenera benestar, e de dopamina, que está relacionada coa mellora do estado de ánimo.
- Diminúe o estrés e a ansiedade.
- Mellora a autoestima
- Aumenta o funcionamento do sistema inmune.
- Reduce a presión arterial.
- Mellora a seguridade nunha mesma.
- Aumenta a serotonina, a gran combatente da depresión.
- Favorece un estado de relaxación.
Se o trasladamos a persoas maiores, é aínda máis necesario, xa que elas son as que mais o necesitan, e por iso, que cando unha persoa teña a oportunidade de abrazar, de pasar tempo e de sorrir, ten que pensar que está facendo feliz á outra persoa e estalle aportando un gran beneficio.
Temos que ter en conta tamén que o contacto físico pode ser indirecto, como mirarse aos ollos ou sorrir, co cal se liberan emocións, pensamentos ou preocupacións, xérase unha química especial entre as persoas que favorece á empatía e á comprensión.
O contacto físico é o aire da cabeza e do corazón, e é necesario para o desafogo emocional e o benestar psicofísico da persoa.
Sen contacto físico non somos nada, así que aproveitemos, e abracemos ben forte para ter un maior beneficio, deixémonos levar polas emocións, que somos persoas, e sobre todo, amemos ben a todas as nosas persoas maiores que tanto o necesitan.
