Como podemos imaxinar un feito tráxico como foi o afundimento do bergantín Palomo e a fragata Magdalena na ría de Viveiro en 1810? Non é tarefa fácil, sen dúbida, pero achados arqueolóxicos e estudos históricos axudáronnos a aproximarnos a un feito que deixou unha indeleble pegada na historia naval.
«Viveiro 1810, augas mortais»
É un cómic de Primitivo Marcos que recolle unha das maiores traxedias navais que sufriu a Armada Española, na ría de Viveiro co afundimento do Palomo e a Madalena e a morte dunhas 550 persoas.
Agradecemos ao Concello de Viveiro este agasallo que agora forma parte da nosa biblioteca.
